Y Nadolig hwn, nod apêl ‘Pob Bywyd Gwerthfawr‘ Tŷ Hafan yw codi £400,000 ar gyfer gofal plant â chyflyrau sy’n byrhau bywyd a’u teuluoedd.
Ond allwn ni ddim gwneud hyn heboch chi. Trwy rannu cais i gyfrannu rhwng 10am ar 23 Tachwedd a 10pm ar 25 Tachwedd 2025, byddwch yn sicrhau y bydd pob £1 a godir yn cael ei DDYBLU gan ein cyllidwyr cyfatebol hael.
Cofrestrwch i fod yn hyrwyddwr apêl
Mae gan Hyrwyddwr Apêl ei dudalen codi arian ei hun a bydd yn codi cymaint o arian â phosibl mewn 60 awr trwy gysylltu â ffrindiau, teulu a chymunedau.
Chi sy’n dewis sut y byddwch yn hyrwyddo’r apêl. Gallwch rannu ar y cyfryngau cymdeithasol, siarad â’ch cydweithwyr, ffrindiau, teulu a chymdogion, neu ymgymryd â heriau a gweithgareddau codi arian. Chi sy’n dewis.
Sut bynnag y byddwch chi’n codi arian, byddwch yn helpu Tŷ Hafan i gymryd cam mawr yn nes at gyrraedd pob teulu yng Nghymru sydd ein hangen ni drwy fywyd a marwolaeth eu plentyn a thu hwnt.
Heddiw mae miloedd o deuluoedd yng Nghymru yn byw gyda’r wybodaeth erchyll y bydd eu plentyn yn marw, ac mae cymaint yn gwneud hynny heb y gefnogaeth sydd ei angen arnynt. Ac mae’r nifer hwnnw’n parhau i dyfu. Mae nifer y babanod newydd-anedig sy’n cael eu hatgyfeirio atom wedi mwy na dyblu ers llynedd. Mae’n rhaid i ni wneud mwy.
Bydd apêl cyllid cyfatebol Pob Bywyd Gwerthfawr yn codi arian hanfodol i’r plant hyn sydd â chyflyrau sy’n byrhau bywyd a’u teuluoedd. Byddwn yn rhannu straeon teuluoedd rydyn ni wedi cerdded ochr yn ochr â nhw wrth iddynt golli babanod newydd-anedig. O’r eiliad dorcalonnus maen nhw’n dysgu bod yn rhaid iddyn nhw ffarwelio, i greu atgofion gwerthfawr yn ystod bywyd byr eu plentyn.
Cofrestrwch heddiw