Yr wythnos diwethaf, roeddem yn ddigon ffodus i groesawu Leif Thobroe, Uwch Swyddog Partneriaeth Ranbarthol yn Chwaraeon Anabledd Cymru, i siarad â phawb yn y Clwb Ieuenctid.
Mae Leif, sydd wrth ei fodd â chwaraeon, yn gyn-chwaraewr rygbi a gollodd y defnydd o’i fraich dde oherwydd anaf i’r asgwrn cefn wrth chwarae. Gan nad oedd eisiau rhoi’r gorau i chwaraeon, syrthiodd mewn cariad â Taekwondo ac aeth ymlaen i gynrychioli Tîm Prydain Fawr yn Para-taekwondo.
Trwy sgwrs ysbrydoledig ac arddangosfeydd trawiadol o Boccia a Cyrlio – y ddau wedi’u haddasu fel y gallai pawb roi cynnig arni – dangosodd Leif i’n pobl ifanc y gall chwaraeon fod i bawb a bod yna sawl ffordd o fod yn egnïol a rhoi cynnig ar rywbeth newydd.
Rhannodd Sophie Knapp, ein Nyrs Pontio, “Dyma’r digwyddiad cyntaf y mae Samantha, ein Gweithiwr Cymorth Pontio, wedi’i drefnu ers iddi ddechrau gyda ni ac roedd yn arbennig.
“Mae’n wych gweld ein gwasanaethau pontio yn tyfu, gyda darparwyr eraill yn dod i mewn i rannu mwy am yr holl weithgareddau cynhwysol sydd ar gael i’n pobl ifanc a’u hannog i gymryd rhan.
“Roedd yn ysbrydoledig clywed gan Leif, sydd nid yn unig wedi goresgyn ei heriau ei hun, ond mae wedi gwneud rhywbeth anhygoel trwy ddangos i eraill eu bod yn gallu gwneud yr un peth.”
Diolch yn fawr iawn i bawb a ddaeth draw, ac wrth gwrs, Leif, am gymryd yr amser i ymweld â ni!
