Felly, dysgwch mwy am wirfoddoli i ni. Does dim angen unrhyw brofiad er mwyn cyflawni’r swyddogaeth y mae gennych ddiddordeb ynddi. Ac mae unrhyw amser y gallwch ei roi yn cael ei werthfawrogi’n fawr.
Mae gennym dros 500 o wirfoddolwyr. Ein nod yw sicrhau y bydd pob un ohonyn nhw yn cael profiad gwerth chweil a phleserus gyda ni.
Fe wnaethom ni ofyn i’n gwirfoddolwyr sgorio eu profiad gwirfoddoli gyda ni. Dywedodd bron i 100% ei fod yn dda neu’n ardderchog.
Mae haelioni ein gwirfoddolwyr yn arbed dros tua £330,000 bob blwyddyn i ni. Arian y gallwn ei ddefnyddio i wella llawer mwy o fywydau.
Mae’r amser a’r egni yr ydych yn ei roi fel gwirfoddolwr wir yn helpu i roi gofal a chymorth i blant â chyflyrau sy’n cyfyngu ar fywyd a’u teuluoedd.
Yn ogystal â hyn gallwch gael budd o’ch swyddogaeth wirfoddol yn y ffyrdd gwahanol hyn:
Teimlo’n falch ynghylch gwneud bywyd byr yn fywyd llawn.
Datblygu sgiliau newydd a gwella rhai presennol.
Cwrdd â phobl newydd a gwneud ffrindiau newydd.
Gwella eich hyder, eich llesiant a’ch hunan-barch.
Mae gweithio yn Tŷ Hafan wedi bod o gymorth mawr o ran fy ngorbryder i’r graddau nad wyf angen cwnsela mwyach. Rwy’n gweithio gyda chriw gwych o bobl a wnaeth fy nerbyn i am bwy ydw i. Mae’r staff yr wyf wedi eu cyfarfod yn groesawgar ac mor gyfeillgar. Mae gwirfoddoli yn Tŷ Hafan mor heddychlon a thawel nes fy mod yn anghofio lle yr ydw i, ac mae’r adborth a gewch chi gan staff ac ymwelwyr yn aruthrol.
- Darren, Gwirfoddolwr Garddio
Mae dod yn un o’n gwirfoddolwyr gwych yn hynod o syml ac nid yw’n cymryd llawer o amser o gwbl. Y cyfan sydd angen i chi ei wneud yw dilyn y pedwar cam canlynol.
Edrychwch ar ein swyddi gwag presennol a dewiswch swyddogaeth y mae gennych ddiddordeb ynddi. Cofiwch, cewch ddewis mwy nag un swyddogaeth, os dymunwch.
Llenwch y ffurflen ar-lein sy’n gysylltiedig â’r swyddogaeth y mae gennych chi ddiddordeb ynddi. Fel arfer, dylai hyn gymryd tua phum munud ac mae’n rhwydd.
Ar ôl i ni edrych ar eich cais, byddwn yn cysylltu ac yn siarad yn fanylach am y swyddogaeth yr ydych chi wedi gwneud cais amdani ac unrhyw beth arall sydd ei angen arnoch chi.
Pan fyddwn yn fodlon ar unrhyw wybodaeth ychwanegol y gwnaethom ni ofyn amdani, ac rydych chi’n hapus i ddechrau eich swyddogaeth, gall eich taith wirfoddoli ddechrau. Hwre!
Mynnwch eich copi o’n llawlyfr ar gyfer gwirfoddolwyr Tŷ Hafan sydd wedi’i lunio’n ofalus. Mae’n cynnwys cyfoeth o wybodaeth am yr hyn y gallwch ei ddisgwyl o’ch swyddogaeth wirfoddoli, sut byddwn yn eich cefnogi, a pham y mae’r amser a roddwch mor bwysig i’r plant a’u teuluoedd yr ydym ni’n eu cefnogi.
Lawrlwytho ein llawlyfr Gwirfoddoli yn Tŷ Hafan
Edrychwch ar y swyddogaethau gwirfoddoli gwych yr ydym yn gobeithio eu llenwi ar hyn o bryd yn Tŷ Hafan.
Efallai y byddwch chi’n synnu at yr hyn sydd ar gael a chyn lleied o amser sydd angen i chi ei roi i fod yn un o’n gwirfoddolwyr gwych.
Rhagor o wybodaethOes gennych chi gwestiwn am wirfoddoli ar gyfer Tŷ Hafan? Rydym wedi rhoi atebion i’r cwestiynau mwyaf cyffredin a ofynnir i ni.
Ac os na allwch chi ddod o hyd i’r wybodaeth sydd ei hangen arnoch, cysylltwch â’n tîm Gwirfoddoli drwy e-bost, volunteering@tyhafan.org neu ffoniwch 029 2053 2254.
A yw gwirfoddoli’n ddiogel, o ystyried y pandemig Covid-19 diweddar?
Beth sy’n digwydd ar ôl i mi wneud cais i wirfoddoli?
Pa ddogfennau y mae angen i mi eu darparu cyn i mi ddechrau fy swyddogaeth?
Mae ein tîm Gwirfoddoli yn cynnwys yr hyfryd Laura Terry a Deborah John. Mae ganddyn nhw lawer o brofiad o weithio gyda gwirfoddolwyr ac maen nhw’n barod i ateb unrhyw gwestiynau sydd gennych.
Cysylltwch â Laura a Debs drwy e-bost, volunteering@tyhafan.org neu ffoniwch 029 2053 2254. Fe wnawn nhw gysylltu â chi cyn gynted ag y bo modd.