Dim un teulu ar ei ben ei hun

Nid yw’r un rhiant yn dychmygu y bydd ei blentyn yn marw’n ifanc. Ond dyna’r realiti na ellir ei ddychmygu y mae’n rhaid i filoedd o bobl yng Nghymru ymdopi ag ef bob dydd.

Y llynedd, fe wnaethom gyhoeddi ymchwil a oedd yn dangos bod nifer y teuluoedd yng Nghymru sydd â phlentyn a fydd yn byw bywyd byr wedi codi i ychydig o dan 4,000 erbyn 2019.

Yn aml, mae’r teuluoedd hynny yn ymdopi ag ofn, ansicrwydd a blinder llethol wrth ofalu am blentyn sy’n ddifrifol wael heb unrhyw ofal na chefnogaeth. Yn rhy aml mae teuluoedd ar eu pennau eu hunain, yn ofnus ac yn ynysig.

Pan allai pob diwrnod fod yr un olaf i’w plentyn, dylai teuluoedd fod yn gwneud atgofion gyda’i gilydd yn hytrach na wynebu pob dydd mewn ofn.

Yn Tŷ Hafan, rydym ni’n benderfynol o roi diwedd ar hyn. Rydym ni’n credu, pan fydd bywyd plentyn yn un byr, ni ddylai’r un teulu orfod ei fyw ar eu pennau eu hunain.

Rydym yn dychmygu Cymru lle gall pob plentyn gael y gwasanaethau y mae eu hangen arnynt. Cymru lle mae gan bob teulu ddewis am y gofal y maent yn ei gael. Cymru lle nad yw’r un teulu yn wynebu marwolaeth eu plentyn ar eu pennau eu hunain.

Cofrestrwch i dderbyn ein cylchlythyr i wneud yn siŵr eich bod bob amser yn cael y newyddion diweddaraf am sut rydych chi’n gwneud yn siŵr nad yw’r un teulu yn wynebu bywyd byr eu plentyn ar eu pennau eu hunain.

Sut gallwch chi helpu

Rydym ni’n siŵr y byddwch yn cytuno na ddylai’r un teulu wynebu bywyd byr eu plentyn ar eu pennau eu hunain, ond ar hyn o bryd dim ond 1 o bob 10 teulu sydd angen ein cymorth y gallwn ni eu cyrraedd. Gallwch chi wneud yn siŵr ein bod ni bob amser yno i gerdded gyda phob teulu sydd ein hangen ni.

Rhoi

Drwy roi rhodd gwerthfawr heddiw, byddwch yn helpu i roi gofal a chefnogaeth arbenigol i deuluoedd yng Nghymru sydd eu hangen ar frys.

Rhowch heddiw

Ffyrdd eraill o gymryd rhan

Mae eich rhoddion, yr arian rydych yn ei godi a’r amser rydych chi’n ei wirfoddoli i gyd yn pweru ein gofal a’n cefnogaeth arbenigol i blant â chyflyrau sy’n byrhau bywyd a’u teuluoedd.

Cefnogwch ni heddiw

Stori Alfi

Bu farw Alfi yn heddlychlon yn mreichiau ei dad ar Fawrth y cyntaf 2015, Dydd Gŵyl Dewi ac yn drist iawn, pen-blwydd priodas Sara a Jason.

“Ers ei farwolaeth, mae Tŷ Hafan wedi bod yn gefnogaeth enfawr i ni. Rydyn ni’n dal i gael cefnogaeth gan ein Gweithiwr Cymorth Teulu ac rydym yn gwybod bod Tŷ Hafan yno i ni pryd bynnag a sut bynnag y byddwn ni eu hangen nhw,” meddai Sara.

“Rydyn ni’n mynd i Tŷ Hafan yn rheolaidd. Ni allaf ddechrau disgrifio’r hyn mae Tŷ Hafan yn ei olygu i ni fel teulu, ond un peth rwyf yn ei wybod yw y byddaf yn ddiolchgar am byth am yr atgofion y maen nhw wedi rhoi cyfle i ni eu creu ac rydym ni’n dal i’w creu hyd heddiw.”

Darllen stori Alfi