Menu
Close

Ein swyddi gwag ym maes manwerthu 

Mae gwaith ein gweithwyr cyflogedig a’n gwirfoddolwyr yn ein siopau yn helpu i godi arian hanfodol ar gyfer ein gwasanaethau sy’n newid bywydau. 

Felly, os ydych chi’n chwilio am rôl werth chweil ac amrywiol sy’n wirioneddol trawsnewid bywydau, edrychwch ar ein swyddi gwag presennol. 

Gweld ein swyddi gwag ym maes manwerthu

retail-roles

Dod yn aelod o deulu Tŷ Hafan 

Ar draws de a gorllewin Cymru, mae gennym 18 o siopau lleol sy’n gwerthu amrywiaeth eang o eitemau ail law i ariannu ein gofal a’n cefnogaeth arbenigol. 

Ym mhob un o’r siopau hyn, rydym yn gwneud ein gorau glas i greu tîm cyfeillgar a chroesawgar sy’n ymgorffori ein gwerthoedd ac sy’n falch o fod yn wyneb Tŷ Hafan. 

Rydym hefyd yn sicrhau bod ein cyflogeion manwerthu a’n gwirfoddolwyr yn cael y gefnogaeth, yr hyfforddiant a’r adnoddau sydd eu hangen arnynt i ffynnu yn eu swyddi. 

Fel rhan o deulu Tŷ Hafan, rydym am i chi fwynhau eich rôl, symud ymlaen yn broffesiynol, a theimlo cysylltiad â’r plant a’r teuluoedd yr ydych chi’n helpu i’w cefnogi. 

Oes gennych gwestiwn? Gweler ein hadran Cwestiynau Cyffredin isod.

Gweld ein swyddi gwag diweddaraf

Mae’n deimlad da gwybod bod pob tamaid bach yr ydych chi’n ei wneud bob dydd yn helpu elusen wych fel Tŷ Hafan. Dw i hefyd yn mwynhau hyfforddi’r gwirfoddoli a gweld eu hyder yn tyfu.

- Rowena Lloyd, Dirprwy Reolwr yn ein siop yn Aberystwyth

Ymunwch â ni a mwynhewch yr holl fuddion hyn a chefnogaeth wych 

Hawl gwyliau gwych

25 diwrnod o wyliau blynyddol â thâl ar gyfer swyddi llawn amser ynghyd â gwyliau banc, gan godi i 27 diwrnod ar ôl cyfnod o wasanaethu.

Pensiwn ardderchog

Ymunwch â’n cynllun pensiwn grŵp gyda chyfraniad gan y cyflogwr o 5%.

Rhaglen cymorth i weithwyr

Gallwch chi a'ch teulu elwa ar gymorth arbenigol, gan gynnwys cwnsela.

Gostyngiadau mawr wrth siopa

Gostyngiadau ar y stryd fawr ac ar-lein a allai arbed cannoedd o bunnoedd i chi.

Cynllun beicio i'r gwaith

Gallwch brynu beic a dillad am hyd at £600 a thalu'n ôl drwy eich cyflog.

Yn gysylltiedig â'n gofal

Beth bynnag fydd eich rôl, byddwn yn sicrhau eich bod yn teimlo cysylltiad â'n gwasanaethau gofal a'r teuluoedd rydyn ni'n eu cefnogi.

Ateb eich cwestiynau 

Beth yw’r broses ymgeisio?

Cyflwynir pob cais trwy ein tudalen we gyrfaoedd gan ddefnyddio'r botwm 'ymgeisio nawr' ar hysbyseb y swydd wag. Bydd yr hysbyseb yn cynnwys swydd ddisgrifiad a manyleb person, gan fanylu ar y rôl a gofynion ymgeiswyr.   Ar ôl i'r swydd wag gau, bydd pob cais yn cael ei adolygu a'i sgorio gan ddefnyddio meini prawf y fanyleb person.  Rydym yn defnyddio techneg o'r enw 'rhestr fer ddall' i sicrhau nad ydym yn gwneud unrhyw ragdybiaethau nac yn ffurfio unrhyw duedd anymwybodol ynghylch ceisiadau.  Ar ôl cyrraedd y rhestr fer, byddwn mewn cysylltiad i roi gwybod i chi os ydych chi wedi bod yn llwyddiannus neu beidio o ran cael cyfweliad. Fel arfer byddwn yn cysylltu gyda chi drwy e-bost.    

Rwy’n cael trafferth gwneud cais ar-lein?

Os ydych yn cael unrhyw broblemau wrth wneud cais ar ein gwefan, gallwch gysylltu â ni ar careers@tyhafan.org neu 029 2053 2304. 

Mae gen i ragor o gwestiynau am ymgeisio, gyda phwy ydw i’n siarad?

Bydd ein tîm Gwasanaethau Pobl yn hapus i sgwrsio â chi ac ateb unrhyw gwestiynau eraill sydd gennych am y rôl y mae gennych ddiddordeb ynddi, ein proses ymgeisio a sut brofiad yw gweithio yn Tŷ Hafan.   Gallwch gysylltu â'r tîm ar careers@tyhafan.org neu 029 2053 2304. 

Beth yw’r broses gyfweld?

Bydd pob ymgeisydd yn cael o leiaf un cyfweliad gyda chwestiynau sy'n seiliedig ar gymhwysedd. Gellir defnyddio asesiadau eraill hefyd fel rhan o'r broses gyfweld.  Os byddwch yn llwyddo i gael cyfweliad, byddwch yn derbyn manylion llawn am y cyfweliad a'r broses asesu. Byddwch felly’n gwybod beth i'w ddisgwyl a sut i baratoi ar gyfer eich cyfweliad.  Fel arfer, anfonir yr wybodaeth hon drwy e-bost.  

Beth yw cyfweliad sy’n seiliedig ar gymhwysedd?

Mae cyfweliad sy'n seiliedig ar gymhwysedd yn ffordd o werthuso a yw sgiliau a chymwyseddau ymgeisydd yn cyd-fynd â gofynion hanfodol y rôl a amlinellir yn y fanyleb person.  Mae cyfweliadau cymhwysedd yn gweithio ar yr egwyddor mai perfformiad yn y gorffennol yw'r modd gorau o ddarogan ymddygiad yn y dyfodol.   Mae'r cwestiynau wedi eu cynllunio i roi cyfle i chi ddarparu tystiolaeth o'ch sgiliau a'ch profiad, er enghraifft, "Allwch chi roi esiampl o adeg pan... ? ", "Dywedwch wrthym am adeg pan wnaethoch chi...".  Ffordd dda o strwythuro eich atebion yw defnyddio’r dechneg ganlynol:  Sefyllfa – amlinellu'r sefyllfa'n fyr  Tasg – beth oedd eich amcan/tasg?   Gweithred– beth wnaethoch chi? sut wnaethoch chi hynny?  Canlyniad – beth oedd y canlyniad, yr effaith a beth wnaethoch chi ei ddysgu? 

Os bydd fy nghyfweliad yn llwyddiannus, pryd galla i ddechrau fy rôl newydd?

Byddwn yn trafod ac yn cytuno ar ddyddiad cychwyn gyda chi pan fyddwn yn cynnig y rôl i chi ar lafar. Os ydych chi'n ymuno â'n tîm gofal, byddwn yn cwblhau eich gwiriadau cyn cyflogi cyn cytuno ar ddyddiad cychwyn gyda chi.  Byddwn yn anfon llythyr cynnig atoch yn amlinellu popeth sydd ei angen gennych cyn y gallwch ddechrau gweithio yn Tŷ Hafan. Os oes gennych unrhyw gwestiynau, mae ein tîm Gwasanaethau Pobl cyfeillgar ar gael ar careers@tyhafan.org neu 029 2053 2304.  Pan fydd dyddiad cychwyn wedi'i gytuno, byddwn yn anfon contract cyflogaeth atoch.   

Beth yw’r broses gynefino? 

Pan fyddwch yn dechrau yn Tŷ Hafan, bydd gennych gynllun cynefino wedi'i deilwra ar gyfer eich swydd newydd. Bydd hyn yn eich helpu i ymgartrefu yn eich swydd ac yn Tŷ Hafan.   Byddwch hefyd yn cael eich gwahodd i ddigwyddiad croeso, lle byddwch yn cwrdd â gweithwyr newydd eraill  ac yn clywed gan gynrychiolwyr o wahanol rannau o'r elusen.   Os ydych chi'n ymuno â'n tîm gofal, bydd gennych hefyd gyfnod penodol o statws ychwanegol i nifer gofynnol y staff. Mae hyn yn golygu na fyddwch yn aelod o’r staff ar unwaith, ac yn hytrach, bydd gennych leoliadau i ddysgu ac ymarfer sgiliau'n ddiogel, yn ogystal â magu hyder.    Byddwch yn cael cefnogaeth lawn yn ystod y cyfnod hwn gan wahanol fentoriaid, a fydd yn cyfeillio â chi yn wythnosol. Byddwch hefyd yn cael eich asesu o gymharu â chyfres o gymwyseddau sy'n seiliedig ar waith.  Bydd hyn yn penderfynu a allwch chi ddechrau rhoi gofal unigol.  

Alla i gael adborth ar fy nghais neu gyfweliad os nad ydw i’n llwyddiannus?

Byddwn yn ymdrechu i roi adborth os ydych yn dod i gyfweliad ond na chynigir swydd i chi. Bydd yr adborth yn cynnwys cyngor ac awgrymiadau defnyddiol, fel defnyddio’r dechneg Sefyllfa, Tasg, Gweithred, Canlyniad.  Yn anffodus, oherwydd ein bod fel arfer yn cael llawer iawn o geisiadau ar gyfer pob swydd yr ydym yn ei hysbysebu, ni allwn roi adborth ar geisiadau nad ydynt yn cyrraedd y rhestr fer gychwynnol. 
Gweld ein swyddi gwag diweddaraf