Her Antur Haf
Ydych chi’n chilio am weithgareddau i’w gwneud dros wyliau’r haf? Beth am roi cynnig ar Her Antur Haf Tŷ Hafan?
Cofrestru am ddim!
Cofrestru nawr
Dyddiad y digwyddiad
Haf 2024
Lleoliad
Unrhyw le!
Ffi mynediad
Am ddim
Targed nawdd
£25
Her Antur Haf Tŷ Hafan
Ydych chi’n chwilio am weithgareddau i’w gwneud dros wyliau’r haf? Beth am roi cynnig ar Her Antur Haf Tŷ Hafan? Byddwn ni’n rhoi llwyth o syniadau ar gyfer gweithgareddau llawn hwyl y gallwch eu gwneud, a byddwch chi’n codi arian i Hosbis Plant Tŷ Hafan.
Y cyfan y mae angen i chi ei wneud yw cwblhau 25 gweithgaredd (neu cymaint ag y gallwch eu gwneud o fewn yr amser!) i ddathlu 25 mlynedd o Hosbis Plant Tŷ Hafan. Gallwch eu gwneud gartref neu ar wyliau, yn yr heulwen neu mewn cawodydd o law – gallwch ddewis pa weithgareddau rydych eisiau eu gwneud, gyda llwyth o syniadau gennym ni!
Gallwch wneud yr her AM DDIM. Gofynnwn i chi godi £25 i gefnogi gwaith Tŷ Hafan gyda phlant a’u teuluoedd yn yr hosbis ac yn y gymuned.
Am godi arian byddwch yn derbyn tystysgrif a medal pan fyddwch yn cyrraedd £25 – perffaith i’w ddangos yng ngwasanaeth yr ysgol ym mis Medi!
Cofrestrwch nawr i dderbyn:
E-bost croeso, gan gynnwys ffurflen noddi a cherdyn bingo gweithgareddau;
Ewch i grŵp Facebook ein Her Antur Haf;
E-gylchlythyr wythnosol gyda hyd yn oed mwy o wybodaeth a syniadau;
Cyfle i ennill gwobrau ar hyd y ffordd;
Tystysgrif a medal ar ôl codi £25.
I wybod mwy cysylltwch â ni ar events@tyhafan.org.
Cofrestru nawr
Cwestiynau Cyffredin
Y cyfan y mae angen i chi ei wybod am Her Antur Haf Tŷ Hafan
Beth mae'r her yn cynnwys?
Pan fyddwch yn cofrestru i wneud yr her byddwch yn cwbhau hyd at 25 o weithgareddau dros wyliau’r haf. Byddwn yn rhoi cerdyn bingo a diweddariadau rheolaidd i chi i roi syniadau i chi, ond gallwch hefyd feddwl am eich gweithgareddau eich hun, a byddem wrth ein bodd yn clywed amdanyn nhw!
Sut ydw i'n cofrestru?
Cliciwch ar y botymau cofrestru uchod. Gan fod y digwyddiad hwn ar gyfer plant, bydd angen i riant neu warchodwr lofnodi ar eu rhan. Os oes gennych unrhyw gwestiynau gallwch gysylltu â ni ar events@tyhafan.org.
Gallwch gofrestru i wneud yr her am ddim.
Oes rhaid i mi gwblhau'r her yn ystod gwyliau haf yr ysgol?
Gallwch ddechrau’r her cyn gynted ag y byddwch wedi cofrestru! Gofynnwn eich bod yn ceisio ei gorffen tua pythefnos ar ôl diwedd gwyliau’r haf, er mwyn i ni allu anfon eich medalau a’ch tystysgrifau atoch.
Does gen i ddim Facebook, galla i wneud yr her?
Gallwch! Byddem yn dwlu pe byddech yn ymuno â’n grŵp Facebook ar gyfer yr her ond os nad oes gennych Facebook gallwch gymryd rhan o hyd. Byddwn yn rhoi’r wybodaeth ddiweddaraf i chi mewn e-gylchlythyr wythnosol.
Beth os na fyddaf yn cwblhau 25 gweithgaredd?
Does dim ots! Y peth pwysig yw eich bod yn cael hwyl tra byddwch yn cymryd rhan yn yr her ac yn gwneud cymaint o weithgareddau ag y dymunwch.
Nid oes angen i chi brofi eich bod wedi gwneud y gweithgareddau, ond byddem yn dwlu clywed gennych am ba weithgareddau rydych wedi’u gwneud yn ein grŵp Facebook!
A fydda i'n cael medal?
Bydd pawb sy’n cofrestru i wneud yr her yn cael tystysgrif pan fydd yr her yn cau ar ddiwedd gwyliau’r haf.
Os byddwch wedi codi £25 neu fwy, byddwch hefyd yn derbyn medal, perffaith i’w arddangos yng ngwasanaeth yr ysgol!
Tuag at beth fydd yr arian yn mynd?
Bydd yr arian y byddwch yn ei godi drwy gymryd rhan mewn her i Tŷ Hafan yn mynd tuag at ein gofal a’n cefnogaeth arbenigol i blant â chyflyrau sy’n byrhau bywyd a’u teuluoedd, yn ein hosbis, mewn cymunedau ac mewn cartrefi.
Mae rhagor o wybodaeth ar ein gwefan a byddwch yn cael gwybod mwy yn y diweddariadau pan fyddwch yn cofrestru i wneud yr her.
