Llwyddiant diweddar
Sicrhau cyllid statudol ychwanegol
Ym mis Ionawr 2022, roeddem wrth ein boddau bod Eluned Morgan AS, y Gweinidog Iechyd a Gwasanaethau Cymdeithasol, wedi cyhoeddi y byddai Tŷ Hafan a Tŷ Gobaith (yr hosbis blant yn y gogledd) yn derbyn £440,000 yr un mewn cyllid statudol ychwanegol bob blwyddyn, am o leiaf cyfnod y Chweched Senedd.
Roedd y cam cyntaf cadarnhaol hwn tuag at ddatrysiad ariannu mwy cynaliadwy ar gyfer y ddwy hosbis yn bennaf yn sgil cyhoeddi ein adroddiad Lleisiau ein Teuluoedd yn 2020.
Diolch yn fawr iawn i bawb wnaeth gefnogi’r ymgyrch hon. Bydd y cyllid ychwanegol y gwnaethoch chi helpu i’w gael yn rhoi llawer iawn mwy o sicrwydd ariannol i ni ac yn ein helpu i wneud hyd yn oed yn fwy i’r plant a’r teuluoedd yr ydym yn gofalu amdanynt.
Rydym yn edrych ymlaen yn awr at barhau i weithio gyda’r Senedd i sicrhau bod gan Tŷ Hafan a Tŷ Gobaith ran ganolog yn y gwaith o ddatblygu llwybr gofal diwedd oes sydd 100% yn iawn ar gyfer plant a phobl ifanc yng Nghymru.