Yn ogystal â chodi arian ar gyfer ein gwasanaethau hollbwysig, gallwch ddatblygu sgiliau newydd, cwrdd pobl fydd yn eich ysbrydoli a theimlo boddhad mawr o fod wedi cyflawni rhywbeth anhygoel.
Defnyddiwch y ffurflen ar waelod y dudalen i ddweud wrthym amdano.
See formDyma restr o ddigwyddiadau y mae pobl wedi’u trefnu yn y gorffennol i godi arian i Tŷ Hafan. Ond mae croeso i chi fod yn greadigol a gwneud rhywbeth cwbl wahanol.
Yn Tŷ Hafan, rydym wedi dysgu llawer dros y blynyddoedd am sut i wneud codi arian yn llwyddiant mawr.
Rydym eisiau i bawb sy’n codi arian i ni elwa ar ein holl arbenigedd. Felly rydym wedi nodi ein pum awgrym gorau ar gyfer codi cymaint o arian â phosibl.
Defnyddio’r cyfryngau cymdeithasol
fel Facebook, i ledaenu’r wybodaeth am eich digwyddiad.
Creu tudalen rhoi ar-lein
sy’n ei gwneud yn hawdd i bobl eich cefnogi.
Gofyn am rai o ddeunyddiau hyrwyddo Tŷ Hafan
a’u defnyddio yn eich cymuned.
Cysylltu a’ch cyfryngau lleol
a dweud wrthynt eich bod yn codi arian.
Gofyn i’ch cyflogwr am eu polisi arian cyfatebol
i ddyblu eich cyfanswm.
Os ydych yn hen law ar godi arian neu’n ystyried trefnu eich digwyddiad cyntaf, mae ein tîm codi arian arbenigol yma i’ch helpu.
Gallant ateb eich holl gwestiynau, rhoi hwb i chi pan fydd ei angen, a gwneud codi arian i Tŷ Hafan yn llawer haws.
Cysylltwch â nhw ar supportercare@tyhafan.org neu ar 029 2053 2255. Bydden nhw’n dwlu clywed gennych chi.
Rydym wedi creu canllaw codi arian gwych sy’n berffaith ar eich cyfer chi. Mae’n llawn cyngor gwych, awgrymiadau ymarferol a syniadau codi arian.
Mae gennym hefyd bosteri, sticeri, balŵns a deunydd hyrwyddo arall gwych y gallwch eu cael am ddim. Maent yn berffaith ar gyfer denu sylw at eich digwyddiad codi arian a’i wneud yn llwyddiant mawr.
Mae creu eich tudalen codi arian eich hun ar-lein drwy wefan fel JustGiving yn ffordd wych o godi ymwybyddiaeth am eich ymdrechion codi arian a dweud pam eich bod yn cefnogi Tŷ Hafan.
Yn bwysig, mae hefyd yn rhoi ffordd hawdd i deulu, ffrindiau a chydweithwyr roi arian. Ond gan fod cymaint o bobl yn codi arian ar gyfer cymaint o wahanol elusennau y dyddiau hyn, cofiwch wneud eich tudalen yn drawiadol a rhowch eich stori bersonol, lluniau a’r newyddion diweddaraf yn rheolaidd.